شيزلونج

"تصور إنك قاعد في أوضة مليانة مرايات.. كل مراية فيهم بتوريك جزء من نفسك.. وجانب من شخصيتك..

تصور إنك جاتلك الفرصة تشوف نفسك في أكتر من زمن.. وأكتر من مكان.. وأكتر من شخصية..

مجموعة حكايات نفسية لناس حقيقيين.. ناس شبهك وشبهي..

كل حد فيهم عنده أزمة.. أو صعوبة.. أو سؤال مش لاقي إجابته..

هاتحكيهم لينا المعالجة النفسية المبدعة «وفاء شلبى» فى رحلتنا معاها في هذا الكتاب..

وفاء هتاخد من كل حكاية خيط.. ومن كل شخصية قصة.. وتغزل بكل مهارة دراما نفسية مشوقة تنتمي إلى الحياة اليومية بكل تفاصيلها.. وتجمع وفاء أخيرًا كل الخيوط.. وتتقاطع بين أيديها كل القصص..

وتقفل عليهم بابًا واحدًا أخيرًا.. اسمه «حجرة العلاج النفسى الجمعى».. المكان اللي هاتكتشف بعد الانتهاء من قراءة الكتاب.. أنه أقرب ما يكون.. إليك". «محمد طه»