صالح نفسك

- كام مرة دماغك اشتغلت لوحدها وبَدأت تقارن نفسك بحد من اللي حواليك؟ 

- كام مرة حسيت إنك متردد أو خايف تصدق إنك قادر تنجح في موقف معين أو شغل أو مشروع جديد؟

- كام مرة عدى عليك وقت وحسيت إنك بتفكر في نظرة الناس ليك قبل ما تقول رأيك في حاجة، أو بعد ما قولت رأيك.

في رحلة الحياة.. في أوقات كتير بنتعطل ونخبي نفسنا في سجن من الأفكار اللي صنعناه بإيدينا، زي الخوف، التردد، المقارنة، ونظرة المجتمع.. وأفكار غيرها كتير بتمنعنا من النجاح والاستمرار ومن لذة الحياة البسيطة.

الكتاب ده هيساعدك خطوة خطوة إنك تصالح نفسك وتتخلص من كل القيود والأفكار الضاغطة اللي حابساك، هياخد بإيدك للدنيا الحقيقية الواسعة، لأن نفسك محتاجة حد يصالحها ويعرَّفها إن كل إنسان عنده إمكانيات وطريقة خاصة بيه للنجاح.