وكأي ست مصرية أصيلة، فا أنا بحب أتكلم في موضوع وأدخل منه على موضوع تاني خالص بدون أي سابق إنذار؛ فا قررت أسمّي الكتاب ده "خلطة عمري" لأنه أنسب وصف للمراحل المتلخبطة اللي بنمر بيها في حياتنا...

مع كل موقف بتطلع بخلطة علمتك وأثرت فيك..

مع كل قفا الحياة بتديهولنا بنغير تركيبتها..

ولما بنقرَّر نقوى ونواجه الحياة بسلطاتها ببابا غنُّوجها بنفضل نغيَّر حاجات جوَّانا، ونتغير إحنا شخصيًّا لحدّ ما بنوصل لأكتر خلطة مرّيحانا بعد ما مّرينا بمراحل نضج كتيرة ومراحل وجع أكتر...

الكتاب ده هو خلطتي ببهاراتي الخاصة وآرائي اللي نفسي أعبَّر عنها، بس حبَّيت أشاركها معاكم بصوت عالي وإن بابليك.. يمكن خلطتي تُظبط خلطة حدّ فيكم.