عنبر الحواديت

عمرك فكرت انك عايش حدوتة؟ حدوتة فيها أبطال ومواقف ... حدوتة (انت) مش عارف نهايتها .... ؟ أصل هى الحياة غير حواديت ؟ حواديت وبنعشها؛ طيب عمرك حسيت أن الدنيا مجنونة - بغض النظر عن أغنية محمود العسيلى-! عمرك حسيت فجأة انك عايش فى عنبر كبير من المجانين العاقلين جدًا ! ووسط العنبر دة حواديت كتير بنعيشها ونتعلم ؛ نحب؛ نعيش نكره؛ نعيش نتألم ؛ نعيش نقع ونخاف مانعرفش نقوم ونرجع بقدرة قادر نقف من جديد ! نغلط وبعدين نقول « نقول» اكيد هنتعلم من الغلط دة علشان مانكررهوش تانى ! فى الحياة كل حدوتة قدامها حدوتة تانية شبها بس نهاية كل واحدة فيهم مختلفة عن التانية ! نهاية كل واحدة فيهم بداية لحدوتة جديدة.... حياة جديدة نعيشها ! ومع نهاية كل حدوتة « درس » نحاول نتعلمه ونعيش ... الكتاب دة عن الحياة وحواديتها .... الكتاب دة عن حواديت كلنا بنعيشها الكتاب دة هو « عنبر الحواديت »