التجربة المحظورة لروح أمه

المفروض أكتب هنا كلمتبن يخلو الناس تشتري الكتاب زي مثلا:( للمثقفين فقط)’ ( للروشين بس)’ ( 18+) ..

بس للأسف كل ده قديم ومش بيأكل عيش فخلينا في الجديد: أشترى الكتاب ده لو عاوز تخش الجنة!!!!...

ممممم... للأسف بنسبة 99.9% مش ده اللي هيخليك تشترى الكتاب برضة’ مع إن ده بالظبط اللي هيخليك تشتريه!... فالكتاب ده أكيد مش هيضمن لك الجنة بس علي الأقل هيضمن لك عالم جديد من المفاهيم والأفكار واللي من أهمها إن مفيش حاجة أبدا ممكن تشتريها هتدخلك الجنة!... فالكتاب ده هيشقلبك!! هياخدك لدوامة غريبة من الإدركات والنظريات النفسية.. هتبقي مش عارف ده صح ولا غلط ؟ وهو أصلا صح إني اقول فيه صح وغلط؟!؟؟ ولا ممكن الصح يبقي ساعات صح وساعات غلط؟؟؟... في النهاية مش هطول عليك في الحتة الضيقة دي اللي كل اللي رايح واللي جاي مسك الكتاب قراها.. ومن الاخر شدك الكتاب هاته’ مشدكش خلاص رجعة مكانه وابقي انزل هاته كمان شهر لما حد يقول لك الكتاب ده لازم يتجاب...